Dibran Hoxha ose i njohur në publik si “Kobra” gjatë ditës së sotme është paraqitur në Policinë e Kosovës për dorëzim pasi që para disa ditësh është shpallur në kërkim nga organet e drejtësisë.
Këtë e ka konfirmuar Shaqir Bytyqi, zëdhënësi i policisë për rajonin e Prizrenit.
Bytyqi tregoi se intervistimi i “Kobrës” ka përfunduar dhe rasti po hetohet me procedurë të rregullt.
“Po është e vërtetë se Dibran Hoxha është paraqitur në Polici për intervistim, është përfunduar intervista dhe rasti hetohet me procedurë të rregullt”, deklaroi Bytyqi.
Rikujtojmë se Kobra është shpallur në kërkim nga policia para disa ditësh pasi që është raportuar se ka sulmuar fizikisht një person në një klub nate.
