Forcat e Armatosura ruse deklaruan se po i përshtatin planet dhe veprimet, në përputhje me urdhrat e presidentit të Rusisë, Vladimir Putin, raportoi BBC-ja të enjten.
Trupat ruse thanë se kanë marrë urdhër që deri më 15 shtator, të futen “plotësisht” në Donbas.
“Kundërshtari po vazhdon t’i mbajë të pushtuara Kharkivin, Luhanskun, Donetskun, Zaporizhzhian, Khersonin dhe Mykolaivin, e gjithashtu po tenton të krijojë kushte të favorshme për rifillim të ofensivës”, deklaroi Oleksiv Gromov, që mban pozitën e zëvendësshefit të Shtabit të Përgjithshëm të Ukrainës.
Sipas tij, Rusia është duke rigrupuar Korpusin e 3-të të ushtrisë në zonën operative të Donetskut.
“Ne besojmë se me pjesëmarrjen e këtij grupi do të ketë përpjekje për të kryer aksione sulmuese në drejtimin e Donetskut”, theksoi ai.
Korpusi i 3-të i trupave ruse është njësi e sapokrijuar dhe e pajisur me pajisje ushtarake.
