Deputetja e LDK-së, Hykmete Bajrami, ka treguar se do të garojë në zgjedhjet e ardhshme brenda partisë.
Ajo tha se nuk do ta pranonte të ishte kandidate e LDK-së për kryeministre nëse partinë do ta udhëhiqte dikush tjetër.
“Nuk do të pranoja që të isha kandidate e LDK-së për kryeministre në qoftë se partinë do ta udhëhiqte dikush tjetër”, deklaroi Bajrami në emisionin “Rubikon” në Klan Kosova.
Bajrami tha se situata aktuale politike nuk lidhet me zgjedhjet e brendshme të LDK-së, të cilat sipas planit pritet të mbahen në shtator apo nëntor të vitit 2027.
Ajo theksoi se, nëse nuk ka ndryshime pozitive dhe zgjedhjet zhvillohen në një garë të drejtë e të hapur, do të jetë njëra prej kandidateve.
“Nëse ka garë fer dhe të hapur, unë do të jem njëra prej kandidateve”, tha ajo
