Kreu demokrat, Sali Berisha, ka dënuar ndalimin në kufi të deputetëve të koalicionit të partive shqiptare në Maqedoninë e Veriut, VLEN, duke bërë përgjegjës kryeministrin Edi Rama dhe ministrin e Brendshëm.
Berisha akuzoi Ramën se po bën akuza për ndërhyrje ndaj vendeve të tjera, veçanërisht Greqisë dhe Kosovës, duke krijuar, sipas tij, një klimë jo miqësore me këto vende.
“Duhet të dënojmë me forcën më të madhe akuzat që Edi Rama bën për ndërhyrje të vendeve të tjera, veçanërisht Greqisë, Kosovës, duke krijuar kështu, një klimë jo miqësore me këto vende, me të cilat Shqipëria ka marrëdhëniet më të mira dhe nda shkëmbimet më intensive”, u shpreh Berisha.
Ai tha gjithashtu se bllokimi i deputetëve të koalicionit VLEN shkel marrëveshjet mes Shqipërisë dhe Maqedonisë së Veriut, si dhe marrëveshjet ndërkombëtare.
“Akti i bllokimit të deputetëve të koalicionit VLEN është një akt që shkelmon marrëveshjet midis Shqipërisë dhe Maqedonisë së Veriut, por dhe marrëveshjet ndërkombëtare, mbasi këta ishin me pasaporta diplomatike. Të tre. Edi Rama përpiqet pas këtij skandali të fshihet, sepse ky është një gjest tjetër, një damkë tjetër që ai merr jo vetëm në rajon, por në Europë dhe në mbarë botën”, deklaroi Berisha
