Lëvizja Vetëvendosje ka ndarë një deklaratë të kreut të saj, Albin Kurti pas rastit të qumështores “Vita”, e cila u mbyll përkohësisht nga kompania pasi inspektorë të Agjencisë të Ushqimit dhe Veterinarisë (AUV) kryen kontrolle gjatë ditës së djeshme.
Kurti ka theksuar rëndësinë e sigurisë ushqimore për mbrojtjen e shëndetit publik, duke kërkuar më shumë kontrolle dhe analiza të produkteve ushqimore që konsumohen nga qytetarët.
Në një deklaratë publike, Kurti u shpreh se është më e rëndësishme të rritet numri i analizave të ushqimeve sesa të pacientëve në spitale, duke vënë theksin te parandalimi dhe garantimi i cilësisë së produkteve që dalin në treg.
Ai nënvizoi se standardizimi dhe certifikimi janë hapa të domosdoshëm për rritjen e cilësisë dhe ligjshmërisë në sektorin e prodhimit ushqimor. Sipas tij, këto masa do të ndikojnë në rritjen e eksporteve, zëvendësimin e importeve dhe forcimin e konkurrueshmërisë së prodhuesve vendorë në tregun evropian.
Kryeministri shtoi se suksesi i fermerëve, prodhuesve dhe sipërmarrësve kosovarë është njëkohësisht sukses i Republikës së Kosovës.
Lexoni edhe:
