Kryetari i Komunës së Shtimes, Qemajl Aliu, ka mirëpritur aksionin e institucioneve të Kosovës për arrestimin e pesë personave të dyshuar për pjesëmarrje në Masakra e Reçakut.
Aliu ka thënë se kjo ngjarje mbetet një nga krimet më të rënda të kryera gjatë luftës në Kosovë, duke theksuar se kujtimi i 45 civilëve të vrarë në Reçak duhet të ruhet dhe të mbrohet brez pas brezi.
“Krimet e kryera ndaj popullit tonë nuk harrohen dhe vendosja e drejtësisë për viktimat, familjet e tyre dhe për gjithë shoqërinë tonë është obligim institucional, moral dhe kombëtar”, ka deklaruar Aliu.
Sipas tij, çdo veprim që çon drejt drejtësisë përbën një hap drejt së vërtetës dhe forcimit të shtetit të Kosovës.
“Shtimja, si një komunë që ka dhënë shumë për lirinë e Kosovës, mbështet pa rezervë përpjekjet për t’i sjellë para drejtësisë të gjithë ata që kanë kryer krime kundër qytetarëve të pafajshëm”, ka shkruar Aliu.
