Ish-presidenti Ilir Meta i është drejtuar sërish Gjykatës së Posaçme me një kërkesë për zëvendësim të masës së sigurisë, duke kërkuar zbutjen e “arrest me burg”. Pritet që gjyqtarja Etleva Deda të përcaktojë datën dhe orën e shqyrtimit të kësaj kërkese.
Ankimi i kreut të Partisë së Lirisë vjen vetëm pak ditë pasi në gjykatë ka nisur shqyrtimi në themel i dosjes penale në ngarkim të tij.
Meta kërkon që masa e sigurisë të rishikohet, ndërsa çështja pritet të kalojë për vlerësim nga gjykata në ditët në vijim.
Ish-presidenti i Shqipërisë mbahet në burg që prej tetorit 2024 dhe përballet me akuzat për korrupsion, pastrim parash dhe fshehje pasurie.
