Deputetët e Lëvizjes Vetëvendosje, Mytaher Haskuka, Valon Ramadani dhe Luan Aliu, kanë bërë homazhe në Kuvendin e Kosovës në nderim të akademikut të njohur Rexhep Qosja.
Ata kanë nderuar figurën dhe kontributin e Qosjes, duke e cilësuar atë si një prej personaliteteve më të rëndësishme të kulturës dhe mendimit shqiptar.
Me këtë rast, deputeti Mytaher Haskuka ka reaguar edhe përmes një postimi në Facebook, ku ka shprehur vlerësimin për jetën dhe veprën e akademikut.
“Udhërrëfyes i drejtë dhe i palëkundur do të jesh gjithmonë për kombin shqiptar. I lehtë të qoftë dheu i Kosovës!”, ka shkruar Haskuka.
