Aleanca Kosova e Re (AKR) dje me 18.04.2026 ka mbajtur Kuvendin e Jashtëzakonshëm Zgjedhor, në të cilin kryetar është zgjedhur Emir Abrashi.
Përmes një postimi në rrjetin social Facebook, Abrashi ka thënë se me shumicë votash ka marrë besimin për të udhëhequr AKR-në në katër vitet e ardhshme.
“Shpreh mirënjohjen time të veçantë për Presidentin Emeritus të AKR-së, z. Behgjet Pacolli, për mbështetjen dhe besimin e tij në këtë proces. Bashkëpunimi ynë, duke ndërthurur përvojën e tij të vyer me energjinë dhe vizionin tim, do të jetë kyç për rikthimin e AKR-së aty ku e ka vendin — në institucionet e vendit, si një zë konstruktiv, i përgjegjshëm dhe i orientuar drejt interesit publik” – ka shkruar ai.
Abrashi ka bërë të ditur se Sekretar i Përgjithshëm i AKR-së është zgjedhur Liridon Llapashtica, nënkryetarë Gjergj Beka, Festina Kurteshi dhe Bejtush Gashi, Sekretar organizativ Petrit Makolli dhe Sekretar për Marrëdhënie me Jashtë është zgjedhur Bejtush Gashi.
https://www.facebook.com/plugins/post.php?href=https%3A%2F%2Fwww.facebook.com%2FEmirAbrashi%2Fposts%2Fpfbid0GqzUGmht72Fs6nxKhprvyhR5ucBfPk1V8KqgafJMWAdqgC6aTftGBU8mgGmMf7BMl&show_text=true&width=500
Kujtojmë që në mars 2026 Komisioni Qendror i Zgjedhjeve (KQZ) kishte pezulluar AKR-në, për shkak të dështimit të organizimit të zgjedhjeve të brendshme brenda afatit.
