Ministrja e Mjedisit dhe Planifikimit Hapësinor, Fitore Pacolli, ka bërë të ditur se arkitektët e Kosovës do të përfshihen më aktivisht në projektet dhe iniciativat e ministrisë që ajo drejton.
Sipas saj, në funksion të këtij synimi, ajo ka zhvilluar një takim me kryetarin e Oda e Arkitektëve të Kosovës, Uran Kyqyku.
Gjatë këtij takimi është diskutuar për rrugëtimin e Odës që nga themelimi i saj, sfidat aktuale me të cilat përballet, si dhe mundësitë konkrete për thellimin e bashkëpunimit ndërinstitucional.
Pacolli theksoi se synimi i ministrisë është fuqizimi i rolit të Odës së Arkitektëve në projektet dhe iniciativat publike, me qëllim rritjen e cilësisë në planifikimin dhe realizimin e tyre.
Postimi i Plotë:
Arkitektët e Kosovës do të kenë rol aktiv në projektet dhe iniciativat e Ministrisë së Mjedisit dhe Planifikimit Hapësinor.
Për këte arsye, sot kam zhvilluar takim me Kryetarin e Odës së Arkitektëve të Kosovës, Uran Kyqyku. Gjatë takimit diskutuam për rrugëtimin e Odës që nga themelimi i saj, sfidat me të cilat përballet aktualisht Oda, si dhe mundësitë për bashkëpunim.
Ne synojmë fuqizimin e rolit të Odës së Arkitektëve në projektet dhe iniciativat tona, me qëllim rritjen e cilësisë në planifikimin dhe realizimin e projekteve.
