Sulmuesi i Kombëtares së Kosovës, Vedat Muriqi, ka shprehur optimizëm të madh para përballjes së rëndësishme ndaj Turqisë, duke theksuar se kjo ndeshje mund të jetë historike për vendin.
Në një konferencën për media Muriqi tregoi se si kapiten e ka ndjerë që atmosfera në kamp është shumë pozitive, me një frymë bashkëpunimi dhe motivimi të lartë nga të gjithë lojtarët dhe stafi dhe shpreson që kjo energji të reflektohet edhe në fushë dhe që nesër të arrijnë rezultatin që synojnë.
VIDEO Muriqi: Shpresoj që në ndeshjen e nesërme të kemi sukses
“Besoj që edhe pse jemi lojtar të ri ne kemi luajtur ndeshje të mëdha dhe kemi eksperiencë për këto ndeshje. Kemi atmosferë të shkëlqyer në kamp dhe shpresoj që nesër të kemi sukses”
Ndërkohë sulmuesi prizrenas, nënvizoi se përballja historike mes Kosovës dhe Turqisë për të është çështje kombëtare si dhe shteti, derisa dha lëvdata për Kombëtaren e Turqisë.
Muriqi: Jam formuar si lojtarë në shtetin e Turqisë dhe kam respekt për të
“Emocionalisht po ndihem ndryshe, sepse unw kam qenë tetë vite atje, jam formu si futbollist atje, kam shumë respekt për shtetin e Turqisë për ata lojtarë që kemi luajtur kemi qenë edhe bashkëlojtarë edhe kundërshtarë në shumë ndeshje, por nesër është ndeshje ndryshe është çështje Kombëtare, çështje shteti” – tha Muriqi
Ylli kosovarë u shpreh se pas shpalljes së Pavarësisë, momentet më të bukura për Kosovën do të vinin pikërisht përmes sukseseve sportive. Ai beson se fitorja ndaj Turqisë do të sillte një gëzim të jashtëzakonshëm për gjithë qytetarët.
Muriqi: Shpresoj të arrijmë fitoren dhe të festojmë së bashku në shesh
“Pas Pavarësisë mund të jetë lumturia më e mirë e shtetit tonë, kshtu që dëshira jonë forca jonë është maksimale për ta arritur fitoren. Nuk dua t’i bëj presion bashkëlojtarëve apo vetës, por nesër besoj fuqishëm në fitore, nesër bashkohemi me tifozët tonë me të gjithë ju që jeni këtu dhe shpresoj ta arrijmë suksesin dhe pastaj të festojmë bashkë në shesh” – shtoi Muriqi.
Përballja historike mes Kosovës dhe Turqisë zhvillohet të martën, në stadiumin “Fadil Vokrri”, me fillim nga ora 20:45.
