Deputeti i Lëvizjes Vetëvendosje, Mefail Bajqinovci, ka kritikuar presidenten Vjosa Osmani, pasi kjo e fundit ka shpeshtuar takimet me qytetarët në Kosovë.
Bajqinovci tha se takimet me qytetarë “nuk duhet të ndodhin vetëm kur fillojnë zgjedhjet”.
“Takimet me qytetarë janë thelbësore për një përfaqësim të drejtë dhe të përgjegjshëm. Por kjo nuk duhet të ndodhë vetëm kur fillojnë zgjedhjet – duhet të jetë praktikë e vazhdueshme, para, gjatë dhe pas tyre”, shkroi Bajqinovci.
