Policia e Kosovës ka arrestuar dy persona në Mitrovicë të Veriut nën dyshimin për veprën penale “ushtrim ndikimi”.
Sipas raportit policor, rasti ka ndodhur më 10 mars 2026 rreth orës 11:00, ku janë arrestuar dy të dyshuar meshkuj kosovarë, të cilët dyshohet se kanë kryer veprën e lartcekur.
Gjatë veprimeve policore, si prova materiale janë konfiskuar dy telefona mobilë dhe një shumë parash të gatshme.
Me vendim të prokurorit, të dyshuarit janë dërguar në mbajtje, ndërsa rasti është duke u hetuar nga organet kompetente.
