Ish-ministri i Drejtësisë, Blerim Sallahu, ka reaguar ashpër ndaj veprimeve të Avokatit të Popullit të Kosovës, duke e cilësuar atë më politik dhe jopopullor se çdo paraardhës.
Sipas Sallahut, Avokati i Popullit, edhe pse ka të drejtë ligjore që të dërgojë dekretet kundërkushtetuese në Gjykatë Kushtetuese sipas nenit 113, par.2.1 të Kushtetutës, ende nuk e ka bërë këtë në një rast që sipas tij cenon stabilitetin shoqëror, ekonomik dhe social të vendit.
“Si është e mundur që ‘Avokati i Popullit’ të mos e dërgojë një rast të tillë në Gjykatë Kushtetuese, kur dihet se dekreti haptazi cenon stabilitetin e shtetit tonë?”, pyet Sallahu.
Ai thekson se, edhe pse Avokati i Popullit ka kompetencë kushtetuese për të mbrojtur të drejtat dhe liritë e njeriut nga veprimet apo mosveprimet e paligjshme të autoriteteve publike, në pesë vitet e fundit ka mbrojtur kryesisht interesat e një grushti individësh të subjektit politik AAK, duke mos shfrytëzuar mundësinë ligjore për të vepruar si amicus curiae në favor të drejtësisë.
Sipas Sallahut, ky “Avokat” nuk ka vepruar në shërbim të popullit, por sipas tij, në shërbim të klaneve dhe interesave të tij personale.
Postimi i Plotë:
Republika e Kosovës, “Avokat të Popullit” më politik dhe jopopullor se ky i tanishmi nuk ka pasur ndonjëherë!
Ndonëse, Avokati i Popullit sipas nenit 113 par.2.1, të Kushtetutës ka të drejtë ta dërgojë dekretin kundërkushtetues në Gjykatë Kushtetuese, ende nuk e ka bërë këtë.
Si është e mundur që “Avokati i Popullit” të mos e dërgojë një rast të tillë në Gjykatë Kushtetuese, kur dihet se dekreti haptazi cenon stabilitetin shoqëror, ekonomik dhe social të shtetit tonë?!
Edhe pse është e qartë se “Avokati i Popullit” ka kompetencë kushtetuese me i mbrojtë të drejtat dhe liritë e njeriut nga veprimet apo mosveprimet e paligjshme dhe kundërkushtetuese të autoriteteve publike, ai me vetëdije të plotë e ka shkelur këtë mandat, duke i mbrojtë për pesë vite, vetëm të drejtat e një grushti të individëve të AAK-së.
Në vend që të shfrytëzojë të drejtën ligjore me u bo mik i gjykatës (amicus curiae) në rastin konkret, ai është bërë mik i subjektit politik, AAK.
Përfundimisht ky “Avokat” kurr nuk ka qenë në shërbim të popullit, por veç në shërbim të klaneve dhe interesave të tij!
