Kryeministri i Kosovës, Albin Kurti, është duke zhvilluar takim me kryetarin e Partia Demokratike e Kosovës (PDK), Bedri Hamza, raporton Ekonomia Online.
Para hyrjes në Kuvendi i Kosovës, Kurti konfirmoi se do të mbahej takimi, duke përmendur edhe përpjekjet për zgjedhjen e presidentit/es javën e ardhshme.
“Tash po shkojmë në takim; ne vazhdojmë dhe i maksimizojmë përpjekjet në mënyrë që javën e ardhshme të kurorëzohet me sukses”, tha ai.
Takimi po mbahet në ambientet e Kuvendit të Republikës së Kosovës, mes kryeministrit Kurti dhe kryetarit të PDK-së, Hamza.
Duke hyrë në Kuvend, Hamza u shpreh shkurt për media se po takohen për të diskutuar situatën aktuale politike.
“Tema e diskutimit është situata aktuale politike”, deklaroi Hamza, pak ditë para afatit të fundit për zgjedhjen e presidentit/es së ardhshëm/me të vendit.
Nga ana tjetër, Kurti theksoi se po punohet për të gjetur një zgjidhje lidhur me emrin e presidentit/es.
“Tash po shkojmë në takim, po maksimalizojmë përpjekjet që javën e ardhshme gjithçka të kurorëzohet me sukses”, deklaroi ai.
