Kryetari i Mitrovicës së Jugut, Faton Peci ka zhvilluar takim me bashkëkryetaren e partisë Guxo, ministren e Drejtësisë, Donika Gërvalla.
Peci, që i ka shkruar në zyrë Gërvallës në Ministrinë së Drejtësisë, thotë se detyra që bashkëpartiakja e tij ka, përveç profesionalizëm e vizion të qartë, sipas tij, kërkon edhe guxim.
“Për shkak se sistemi i drejtësisë është ndër më sfiduesit. Ai kërkon edhe integritet, zë të kthjellët, vendosmëri, energji, konsekuencë, pastërti e drejtësi në shpirt, cilësi këto që e veçojnë Donikën”, tha ai.
Peci vlerëson se Gërvalla e ka guximin, të dëshmuar në vite e dekada, në procese e në etapa të rëndësishme.
“Prandaj emërimi i saj si Ministre e Drejtësisë na mbush me besim e me bindje se rruga e nisur nga Ministrja Haxhiu, do të shtrohet e fortë dhe do të jetë e palëkundur. Me fat përgjegjësia e re, Donikë! Le të jetë ky rrugëtim i vështirë i udhëhequr nga parimet tua, nga integriteti dhe dinjiteti yt”, ka shkruar Peci.
