Liverpool mbetet i palëkundur nga strategjia e tyre afatgjatë e transferimeve, pavarësisht fillimit të tyre më të keq të sezonit në një dekadë.
Klubi është i njohur për të qenë proaktiv dhe jo reaktiv në treg vetëm duke nënshkruar lojtarë që ata besojnë se janë me cilësi dhe vlerë të mirë –dhe kjo nuk pritet të ndryshojë.
Me pak se një javë të mbetur nga mbyllja e afatit kalimtar, Liverpooli mendohet se i konsideron ata që janë në treg si jo mjaftueshëm të mirë, ose të mbivlersuar.
Prandaj ata janë më të prirur për të rikthyer grupin e tyre të lojtarëve të lënduar.
Eksperti i futbollit të Sky Sports, Jamie Carragher, vuri në dukje në veçanti mungesën e opsioneve në mesfushë pasi humbën ndaj Manchester United 2-1 të hënën në mbrëmje.
Jurgen Klopp ishte pa Thiago, Naby Keita dhe Alex Oxlade-Chamberlain dhe e la Fabinhon në stol ndërsa Harvey Elliot u soll me Jordan Henderson dhe James Milner.
Klopp ishte gjithashtu pa Diogo Jota, Joel Matip, Ibrahima Konate dhe të suspenduarin Darwin Nunez, por mungesat nuk e bëjnë më të mundshme që Liverpool të hyjë në merkato.
Nunez është nënshkrimi më i lartë këtë verë, ndërsa të rinjtë Fabio Carvalho dhe Calvin Ramsey gjithashtu kanë mbërritur në Anfield.
