Një prej shtetasve rusë që u arrestua pas konfrontimit me dy efektivët në uzinën ushtarake të Cekinit në Gramsh të shtunën gjatë dëshmisë së tij sipas Klan ka rrëfyer se ishte udhëzuar nga shërbimi i brendshëm rus për të fotografuar uzina dhe objekte ushtarake Shqipëri dhe në Ballkan.
Deri më tani në lidhje me këtë ngjarje nuk ka pasur asnjë reagim nga ambasada ruse në Tiranë. Deri më tani, sipas burimeve, nuk ka patur asnjë interesim nga ambasada ruse.
Për Prokurorinë e Elbasanit e cila ka në dorë hetimet, 3 të rinjtë nuk janë thjesht blogerë por dyshohen për spiunazh. Hetimi po orientohet për të verifikuar çdo lidhje të mundshme me shërbimet sekrete të huaja. Ndaj tyre janë ngritur 3 akuza, mes të cilave edhe sigurimi dhe dhënia e informacioneve ushtarake.
Dyshimet shtohen më tej pasi dy rusët dhe ukrainasit hynë në Shqipëri në tre drejtime të ndryshme përgjatë muajit gusht, nga Aeroporti i Rinasit, Porti i Durrësit dhe pika e Kalimit Kufitar të Muriqanit.
