Presidentja e Kosovës, Vjosa Osmani, ka zhvilluar një takim me Presidentin e Zvicrës, Guy Parmelin, gjatë Samitit Botëror të Qeverisjes.
Në postimin e saj në Facebook, Osmani e përshkruan Parmelin si një mik i madh i popullit të Kosovës.
“Takimet në Samitin Botëror të Qeverisjes i vazhduam me Presidentin e Zvicrës, Guy Parmelin, një mik i madh i popullit të Kosovës. Pas Davosit, vazhduam diskutimin për hapa konkret drejt thellimit të bashkëpunimit ndërmjet dy vendeve tona, me mërgatën tonë si urë kyçe e këtij partneriteti”, shkruan presidentja Osmani.
Ajo thekson se Kosova mbetet thellësisht mirënjohëse për mbështetjen e palëkundur të Zvicrës ndër vite.
