Policia e Kosovës, përkatësisht Drejtoria për Hetimin e Krimeve Ekonomike dhe Korrupsionit – Njësia Rajonale në Prishtinë, sot në orët e mëngjesit ka realizuar një aksion policor, në kuadër të të cilit janë arrestuar tre zyrtarë të Komunës së Prishtinës nën dyshimet për përfshirje në veprime korruptive.
Sipas burimeve të KosovaNews brenda Policisë së Kosovës, pas aplikimit të masave të fshehta hetimore, zyrtarët komunalë janë kapur në flagrancë duke marrë ryshfet.
Të arrestuarit janë:
Afrim Gashi – zyrtar për infrastrukturë rrugore,
Dukagjin Gashi – shef i Sektorit për menaxhimin e mbeturinave dhe shërbimeve publike,
Bashkim Sadiku – zyrtar i lartë për energjetikë në Drejtorinë e Shërbimeve Publike.
Me urdhër të prokurorit të arrestuarve u është shqiptuar masa e ndalimit për 48 orë.
