Ekskluzive: Policia e Kosovës kap në flagrancë dhe arreston tre zyrtarë të komunës së Prishtinës, moren ryshfet për një projekt

Policia e Kosovës, konkretisht Drejtoria për Hetimin e Krimeve Ekonomike dhe Korrupsionit, Njësia Rajonale për Hetimin e Krimeve Ekonomike dhe Korrupsionit në Prishtinë sot në orët e mëngjesit gjatë një aksioni  ka arrestuar tre zyrtarë të Komunës së Prishtinës.

Sipas burimeve të KosovaNews brenda Policisë së Kosovës pas aplikimit të masave të fshehta nga ana e hetuesve policor zyrtarët komunal janë kapur në flagrancë nga policia duke marrë ryshfet.
Rasti ka të bëj me një projekt të Komunës së Prishtinës ndërsa të arrestuarit janë një menaxher i projektit dhe dy zyrtarë të tjerë të komunës.
Me urdhër të prokurorit të arrestuarve u është shqiptuar masa e ndalimit për 48 orë.