Ka ndërruar jetë shkrimtari, poeti dhe publicisti Rushit Ramabaja, një nga figurat e shquara të letërsisë dhe mendimit shqiptar. Lajmi për vdekjen e tij është bërë i ditur nga familjarë dhe miq përmes rrjeteve sociale.
Ramabaja ishte gazetar kulture në gazetën Rilindja, shkrimtar, romansier e poet, si dhe i burgosur politik dhe mbështetës i lëvizjeve çlirimtare. I njohur për fjalën e urtë dhe angazhimin intelektual, ai la pas një trashëgimi të çmuar letrare dhe shpirtërore.
Sadri Ramabaja, familjar, e ka cilësuar ndarjen e Rushitit nga jeta si një humbje të madhe për familjen, miqtë dhe gjithë kulturën shqiptare, duke theksuar se vepra dhe mendimi i Rushit Ramabajës do të mbeten të gjalla në kujtesën kolektive.
