Në Prishtinë do të mbahet një tubim ku do të bëhet prezantimi zyrtar i planprogramit para qytetarëve nga Lëvizja Vetëvendosje.
Tubimi do të mbahet sonte në sallën “1 Tetori”, duke filluar nga ora 19:00.
Në këtë ngjarje të rëndësishme do të marrë pjesë edhe kryeministri i Republikës së Kosovës në detyrë, Albin Kurti, i cili pritet t’u drejtohet të pranishmëve me një fjalim rreth vizionit dhe prioriteteve të qeverisjes.
Organizatorët ftojnë qytetarët që të marrin pjesë dhe të informohen nga afër për planprogramin dhe zhvillimet e ardhshme.
