Njësitet policore kanë dalë në vendin e ngjarjes pas pranimit të informatës për një sulm ndaj viktimës femër në Fushë Kosovë.
Sipas raportit të policisë, viktima dyshohet se ka pësuar lëndime me mjete të mprehta.
Pas marrjes së tretmanit fillestar mjekësor në QKMF, viktima është dërguar në QKUK ku i është nënshtruar operimit për shkak të gjendjes kritike.
Policia ka arrestuar të dyshuarin, i fejuari i viktimës, me të cilin ajo bashkëjetonte, nën dyshimin për përfshirje në këtë rast.
Në vendin e ngjarjes është gjetur dhe konfiskuar një mjet i mprehtë (thikë), i dyshuar se është përdorur gjatë sulmit.
Me vendim të prokurorit, i dyshuari pas intervistimit është dërguar në mbajtje, ndërsa rasti vazhdon të hetohet nga organet kompetente.
