Presidentja e Kosovës, Vjosa Osmani, ka pritur sot në takim tre fëmijët që u bënë shembull i ndershmërisë, pasi gjetën një portofol me para dhe e dorëzuan në polici. Bëhet fjalë për Diar Terziun, Anik Terziun dhe Rajana Terziun.
Në një deklaratë, Osmani tha se kishte “kënaqësinë t’i pres në takim tre heronjtë e vegjël që na dhanë një shembull të jashtëzakonshëm ndershmërie”. Ajo theksoi se akti i tyre tregon vlerat më të larta morale.
“Atyre ju ndava mirënjohje për aktin e ndershmërisë dhe përgjegjësisë qytetare, duke u shndërruar në shembull frymëzues për të gjithë fëmijët e vendit”, ka deklaruar presidentja Osmani.
Takimi u mbajt në kuadër të shënimit të Ditës Botërore të Fëmijëve.
