Ministri në detyrë i Financave, Hekuran Murati, ka njoftuar se është procesuar grupi i parë i pagesës së njëhershme prej 100 eurosh për rreth 50 mijë studentë.
Ai ka bërë të ditur se, nga java e ardhshme, edhe pensionet që deri më tani ishin 120 euro do të rriten në 150 euro, duke përfshirë rreth 200 mijë pensionistë në gjithë vendin.
“Dje u procesua grupi i parë i pagesës së njëhershme prej 100 eurove për rreth 50 mijë studentë. Kurse nga ky muaj, pra nga java e ardhshme, edhe pensionet që ishin 120 euro do të rriten në 150 euro, ku përfitues janë rreth 200 mijë pensionistë,” ka shkruar Murati.
Ministri në detyrë ka bërë të ditur gjithashtu se shtesat për fëmijë do të rriten me 50 për qind, duke përfituar rreth 400 mijë fëmijë.
“Njësoj edhe shtesat për fëmijë, nisur nga ky muaj, do të ekzekutohen me rritje prej 50% për rreth 400 mijë fëmijë. Qeveria për të gjithë!”, ka përfunduar Murati.
