Kryetari i PD-së, Sali Berisha deklaroi jashtë SPAK-ut se me çështjen ‘Partizani’ është bërë një piramidë mashtrimesh. Ai tha për gazetarët se do të paraqitet në SPAK, sa herë që të thirret. Berisha pohoi se ka kryer në çdo rast detyrën dhe ka nderuar institucionin që ka drejtuar.
“Në çdo fletë-thirrje që të më vijë, unë paraqitem në SPAK. Kam konceptet e mia unë. Jam i hapur. Siç isha. Ua faktova juve. Këta ndërtuar një piramidë mashtrimi për dosjen Partizani. U tha se toka ishte publike. Ndërkohë në fletoren zyrtare ishte private. Në fletore thuhej se toka nuk ishte e shpronësuar. Sali Berisha nuk kishte firmosur kurrë një vendim me emër. Dhëndri im kishte përfituar vetëm 64 euro. Por a më dëmtoi kjo mua? Jo. Unë jam ky që jam. Më ndihmuam me vettingun. Nxorën se akt korrupsioni pasiv për Berishën, se vajza e tij i ka paguar 1 javë pushime nënës dhe babait të vetë, apo dhe një ndihmë mjekësore. Apo ka ndihmuar 3 fëmijë në nevojë, autikë në qendrën ku punon bashkëshortja ime. Jam i hapur. Në çdo çështje do të dal kështu, siç kam hyrë. Qëndrova si flamur. Nderova detyrën dhe flamurin.”, tha ai.
