Gjykata e Tiranës ka marrë vendimin dhe ka dënuar me burg përjetë Arsen Muskurtin. Muskurti është dënuar lidhur me vrasjen e vëllait të tij dhe kunatës, Dritan dhe Nora Muskurti.
Ngjarja e rëndë ka ndodhur në gusht të vitit 2022 në Tiranë. Sipas vendimit të gjykatës, Muskurti është dënuar me burg përjetë për kryerjen e veprës penale të “Vrasjes për shkak të marrëdhenieve familjare “. Ai gjithashtu është dënuar me 7 vjet burg edhe për mbajtje pa leje dhe prodhimi i armëve, armëve shpërthyese dhe municioneve.
Arsen Muskurit vrau vëllanë e tij dhe kunatë pas një debati. Ai fillimisht vrau Dritan Muskurtin dhe më pas gruan e tij Nora. Ngjarja ndodhur në biznesin e viktimave. Autori qëlloi me 5 plumba, të cilat rezultuan fatale duke u marrë jetën në vend çiftit. Arseni i kishte vëllait një borxh prej 150 mijë eurosh, për të cilin ishte hapur edhe një proces gjyqësor.
“Gjykata e Shkallës së Parë të Juridiksionit të Përgjithshëm Tiranë, Dhoma Penale, pasi ka mbyllur shqyrtimin gjyqësor të çështjes penale në ngarkim të të pandehurit A. M., ka shqyrtuar dhe vlerësuar të gjitha aktet dhe provat të administruara në kuadër të këtij procedimi penal, ka dëgjuar palët në pretendimet e tyre përfundimtare, në referim të neneve 379 e vijues të K.Pr.Penale, 79/c, 278/1, 55 të K.Penal, në emër të Republikës,
VENDOSI
Deklarimin fajtor të të pandehurit M., për kryerjen e veprës penale të “Vrasjes për shkak të marrëdhënieve familjare”, parashikuar nga neni 79/c i K.Penal për vrasjen e vëllait të tij, shtetasit D.M. dhe në bazë të kësaj dispozite dënimin e tij me burgim të përjetshëm.
Deklarimin fajtor të të pandehurit M., për kryerjen e veprës penale të “Vrasjes për shkak të marrëdhenieve familjare “, parashikuar nga neni 79/c i K.Penal, për vrasjen e shtetases N.. M. dhe në bazë të kësaj dispozite dënimin e tij me burgim të përjetshëm.
Deklarimin fajtor të të pandehurit A. M., për kryerjen e veprës te “Mbajtjes pa leje dhe prodhimit të armëve, armëve shpërthyese dhe municionit dhe në bazë të kësaj dispozite dënimin e tij me 7 vjet
Në bazë të nenit 55 të K.Penal, në bashkim të dënimeve, dënimin e të pandehurit me burgim të përjetshëm.
Vuajtja e dënimit për të pandehurin A. M., të fillojë nga dita e arrestimit të tij, datë 30.08.2022 dhe të kryhet në një burg të sigurisë së lartë.
Në bazë të nenit 190 të K.Pr.Penale, prova materiale e sekuestruar “Arma e zjarrit pistoletë e markes “.” kaliber . mm me numër ., si dhe një sasi prej . copë fishekë luftarakë të kalibrit . mm; si dhe .”, të kalojnë në favor të shtetit, ndërsa dy aparatët e telefonave celularë . të dy vikimave, t’u kthehen familjarëve të tyre.
Shpenzimet proceduriale të kryera gjatë fazës së hetimit paraprak dhe ato gjyqësore i ngarkohen të pandehurit.
Kundër këtij vendimi mund të bëhet ankim në Gjykatën e Apelit të Juridiksionit të Përgjithshem Tiranë brenda 15 ditëve, duke filluar ky afat nga e nesërmja e njoftimit të këtij vendimit”, njofton Gjykata.
