Në orët e mbrëmjes së 14 tetorit, Policia e Mitrovicës ka reaguar pas pranimit të një informate për të shtëna me armë zjarri në Stacionin Policor Jugu.
“Njësitet policore kanë identifikuar vendin nga ku ishin dëgjuar të shtënat dhe gjatë kontrollit në një aheng familjar kanë gjetur dhe sekuestruar një gëzhojë, dy pistoleta, një pushkë gjuetie dhe 44 fishekë”, thuhet në njoftim.
Ndaj të dyshuarit është hapur rast për veprat penale “Mbajtje në pronësi ose kontroll i paautorizuar i armëve” dhe “Përdorim i armës”. Me aktvendim të prokurorit, i dyshuari është ndaluar për 48 orë.
