Lideri i Aleancës për Ardhmërinë e Kosovës, Ramush Haradianj pas votimit në Gllogjan tha se kreu obligimin e tij qytetar, të drejtën për të votuar.
Haradinaj i ftoi qytetarët e vendit të dalin të votojnë.
“Parlamentet komunale, kryetarët e komunave kanë shumë rëndësi për standardin, për çështjet që qytetarët i preokupojnë. Sot është dita me i marr vendimet”, tha ai.
Kreu i AAK-së tha se u ndje mirë që votoi në vendlindje.
“Qenka ndjejë e mirë me votu në vendlindje, ku më ka votuar baba e familja, e pata një përjetim shumë të mirë”, tha ai.
