Familja Spahiu njofton se sot nga ora 12:00, në Sheshin “Skënderbeu” në Prishtinë, do të organizohet një protestë paqësore në mbështetje të ish-policit Arbnor Spahiu, i cili po mbahet padrejtësisht në paraburgim në Serbi.
“Kjo protestë ka për qëllim t’u bëjë thirrje institucioneve vendore dhe atyre ndërkombëtare që të ngrisin zërin kundër padrejtësisë me të cilën Arbnori dhe familja e tij po përballen tash e katër muaj”, thuhet në njoftimin e familjes Spahiu.
