Presidentja Vjosa Osmani, gjatë qëndrimit të saj në ShBA, ka thënë se Kosova do të vazhdojë të punojë shumë për të arritur objektivat e saj në kuadër të rrugës për integrim në Bashkimin Evropian.
Këtë deklaratë ajo e bëri në rrjetin social, Facebook ndërsa shpërndau edhe një fotografi nga takimi që pati të mërkurën me shefen e Politikës së Jashtme të BE-së, Kaja Kallas, si dhe me përfaqësuesit e tjerë të shteteve të Ballkanit Perëndimor.
“Dje, në takimin tradicional të organizuar nga Përfaqësuesja e Lartë e BE-së, Kaja Kallas, për përfaqësuesit e Ballkanit Perëndimor,” tha ajo.
“Kosova, vendi më pro evropian dhe më i sigurt në Evropë, do të vazhdojë të punojë me përkushtim drejt integrimit në BE, në përputhje të plotë me politikat e BE-së,” u shpreh Osmani.
Në takim, Osmani i kishte kërkuar Kallasit heqjen e masave të BE-së ndaj Kosovës.
