Në vazhdën e fushatës zgjedhore për zgjedhjet lokale të 12 tetorit, kandidati për kryetar të Obiliqit nga Lëvizja Vetëvendosje, Halil Thaçi, mbajti tubim me banorët e fshatit Dardhishtë.
Kandidati për kryetar komune, para banorëve të fshatit Dardhishte, premtoi çerdhen, funksionalizimin e AMF-së.
Në bujqësi ai premtoi subvencionimin në qumësht e sa i përket çështjes së transportit ai premtoi subvencionimin për kilometër të transportit. Ai përmendi edhe funksionalizimin e repartit të radiologjisë.
Aty mori pjesë edhe deputeti, Ilir Kërçeli, i cili tha se vazhdimisht Halil Thaçi është angazhuar për qytetaret e Obiliqit. E kërkoi nga te pranishmit te angazhohen e ta mbështesim kandidatin e tyre për kryetar të Obiliqit.
Aty u prezantua edhe kandidatja për kuvend komunal nga Dardhishtja.
