Presidenti i SHBA-së, Donald Trump, dha një mesazh të fortë nga Asambleja e Përgjithshme e OKB-së, duke kërkuar ndaljen e menjëhershme të luftës në Gazë dhe lirimin e të gjithë pengjeve, transmeton KosovaNews.
“Disa vende po përpiqen të njohin shtetin e Palestinës, por kjo do të ishte dhuratë për Hamasin. Në vend që t’i japim aq shumë atyre, të gjithë që kërkojnë paqe duhet të bashkohen në një kërkesë: lironi pengjet. Lufta në Gazë duhet të marrë fund, negociatat e paqes të fillojnë dhe të kthehen të gjithë pengjet. Edhe 38 trupat e pajetë duhet të kthehen,” deklaroi Trump, duke shkaktuar reagime të shumta në sallën e OKB-së.
Ai po ashtu deklaroi se deri më tani ka ndalur shtatë luftëra gjatë presidencës së tij duke përfshirë këtu edhe atë në mes Kosovës dhe Serbisë duke theksuar se tani synon të ndalë edhe konfliktet në Lindjen e Mesme dhe Ukrainë.
“Armëpushimi duhet të ndodhë tani. Pengjet duhet të lirohen menjëherë,” theksoi ai.
Trump gjithashtu paralajmëroi se njohja e njëanshme e shtetit palestinez nga disa shtete të fuqishme, është sipas tij “një shpërblim i madh për terroristët e Hamasit”.
Fjalimi i presidentit Trump zgjati një orë dhe u regjistrua si ndër më të gjatat e liderëv
Fjalimit i tij po ashtu u shoqërua me një incident teknik ku për një moment presidentit amerikan nuk i funksionoi teleprompteri.
Në lidhje me këtë, Trump deklaroi me humor se “në OKB nuk punojnë as ashensorët e as pajisjet”./KosovaNews/
