Një ngjarje e rëndë ka ndodhur mbrëmjen e sotme në fshatin Llapashticë të Podujevës, ku një person është qëlluar për vdekje.
Sipas informacioneve të para, dyshohet se pas një mosmarrëveshjeje, i dyshuari Arbër Havolli ka vrarë viktimën Bashkim Spahiu, i cili është nga fshati Gllamnik. Mësohet se mbi viktimën janë shkrepur rreth 11 plumba.
Ende nuk janë bërë të ditura motivet që çuan deri te kjo tragjedi.
Rasti është konfirmuar nga Policia e Kosovës. Zëdhënësja për rajonin e Prishtinës, Flora Ahmeti, ka njoftuar se ngjarja ka ndodhur rreth orës 19:30.
“Menjëherë në vendin e ngjarjes kanë dalë njësitet e nevojshme policore, ku kanë hasur në një person pa shenja jete. Vdekjen e viktimës mashkull e ka konstatuar ekipi mjekësor në vendngjarje”, ka deklaruar Ahmeti.
Lexo po ashtu:
