Sot, në fshatin Dumnicë të Podujevës, iu dha lamtumira e fundit Gazmend Islamit, ish-kryetar i Ballit Kombëtar, ish-asamblist në Komunën e Podujevës dhe aktivist i çështjes kombëtare që nga fëmijëria.
Në varrim mori pjesë një numër i madh qytetarësh nga Llapi dhe mbarë Kosova, të cilët erdhën për t’i bërë nderimet e fundit veprimtarit të njohur.
Në ceremoninë mortore ishin të pranishëm edhe figura të larta politike, mes tyre kryetari i Podujevës Shpejtim Bulliqi, kryetari i Kuvendit të Kosovës Glauk Konjufca, ministrat Liburn Aliu e Xhelal Sveçla, deputetë dhe personalitete të tjera publike.
