Një ngjarje e rëndë është shënuar në orët e para të mëngjesit të sotëm në fshatin Beqiq të Vushtrrisë, ku një grua dyshohet se i ka dhënë fund jetës.
Rasti është raportuar rreth orës 01:30 nga bashkëshorti i saj, i cili ka njoftuar autoritetet se e kishte gjetur të shoqen të varur me litar në një trarë brenda stallës së ushqimit të bagëtive.
Në vendngjarje kanë shkuar njësitë policore dhe ekipi mjekësor, të cilët kanë konstatuar se viktima, Rabie Mehmeti, 53 vjeç, nuk shfaqte shenja jete. Sipas informacioneve, ajo kishte probleme shëndetësore.
Hetuesit rajonalë dhe mjekësia ligjore kanë kryer ekzaminimet në vendngjarje, ndërsa me urdhër të prokurorit trupi i pajetë është dërguar në Institutin e Mjekësisë Ligjore për obduksion.
Autoritetet po hetojnë për të sqaruar rrethanat dhe motivin e mundshëm të kësaj ngjarjeje tragjike.
