Të shtëna më armë zjarri kanë ndodhur mbrëmjen e së martës në sheshin “Skënderbeu” në Prishtinë.
lajmin e ka konfrimuar për IndeksOnline, zëdhënsja e policisë së Kosovës për rajonin e Prishtinës, Flora Ahmeti.
“Sot rreth orës 22:40 kemi marrë informatën për të shtëna me armë zjarri, në sheshin “Skenderbeu”në Prishtinë. Njësitet policore menjëherë kanë dalë në vendin e ngjarjes, ku kanë arrestuar personin e dyshuar dhe kanë sekuestruar një armë”, ka thënë Ahmeti.
Sipas saj, nga të shtënat nuk është raportuar se ka pasur persona të lënduar.
Aktualisht hetuesit policorë kanë nisur një hetim lidhur me rrethanat e këtij rasti.
