Një aksident trafiku me lëndime trupore ka ndodhur të hënën pasdite në rrugën “Ismail Kryeziu” në Prizren, ku një automjet ka goditur dy këmbësore.
Sipas raportit të Policisë, rreth orës 14:20, i dyshuari, një mashkull kosovar, dyshohet se nga pakujdesia ka goditur me veturë dy gra këmbësore, të cilat si pasojë e aksidentit kanë pësuar lëndime trupore.
Të lënduarat janë dërguar menjëherë për trajtim mjekësor në Spitalin e Prizrenit.
Bëhet e ditur se me vendim të prokurorit i dyshuari është dërguar në mbajtje.
