Deputetë të Partisë Demokratike e Kosovës (PDK) nga Drenasi dhe anëtarë të Kryesisë janë takuar sot për t’i dhënë mbështetje kandidatit të kësaj partie për kryetar të Drenasit, Petrit Hajdarit.
Hajdari ka shkruar në Facebook, se i pari është qytetari i Drenasit, e programet politike janë veç shërbim ndaj tij.
“Bashkimi, unifikimi dhe shërbimi është ajo që i duhet Drenasit”, ka shkruar Petrit Hajdari.
Sipas tij, energjitë e PDK-së në Drenas janë të bashkuara rreth një projekti që synon t’i japë Drenasit pamjen dhe qeverisjen që meriton.
“Deputetë e kandidatë, kontribuues të PDK-së e mbi të gjitha, qytetarë të Drenasit, i bashkon projekti e programi ynë për ta zhvilluar Drenasin”, ka shkruar ai.
Ai më tej ka shkruar duke thënë “Falemnderit shumë të gjithëve për përkrahjen! Rrugëtojmë të bashkuar për qytetarët e Drenasit”, shkruan ai.
Sipas tij, programi zhvillimor i PDK-së i thërret dhe i bashkon të gjithë.
Ndryshe, një ditë më parë, Kryesia e Partisë Demokratike të Kosovës ka mbajtur mbledhjen e radhës, në të cilën janë diskutuar zhvillimet e fundit politike në vend, përgatitjet për zgjedhjet lokale të 12 tetorit, si dhe ka miratuar listën përfundimtare të kandidatëve për kryetarë të komunave.
