Një dron i ri rus i përdorur për të imituar mbrojtjen ajrore ukrainase – është zbuluar se është i përbërë tërësisht nga pjesë kineze.
Zbulimi, nga inteligjenca ukrainase, shënon herën e parë që Rusia ka vendosur armë të prodhuara vetëm me komponentë kinezë.
Kjo tregon shenjën më të fundit të bashkëpunimit midis Pekinit dhe Moskës, pavarësisht këmbënguljes së Xi Jinping se Kina nuk ofron “ndihmë vdekjeprurëse” për asnjërën palë të luftës në Ukrainë, shkruajnë mediat e huaja, përcjell Telegrafi.
Ndërsa teknologjia kineze është gjetur në armë të tjera ruse, ajo gjithmonë është kombinuar me komponentë nga vende të tjera.
Inteligjenca ukrainase tha se ishte në gjendje të rikuperonte dy nga mjetet e reja ajrore pa pilot (UAV) dhe t’i çmontonte ato.
Droni UAV CBTS.611000 përdoret kryesisht për zbulim dhe si karrem, por gjithashtu mund të mbajë një kokë luftarake që peshon deri në 15 kg.
Pothuajse gjysma e komponentëve të njërit prej droneve u prodhuan nga CUAV Technology, një kompani me seli në provincën Guangdong që reklamon veten si një “furnizues zgjidhjesh për dronë”.
Këto pjesë përfshinin një kontrollues fluturimi me autopilot, module dhe antena navigimi, si dhe sensor shpejtësie ajri.
Në vitin 2022, kompania njoftoi se do të zbatonte kufizime në eksportin e produkteve të saj në Rusi dhe Ukrainë për të parandaluar përdorimin ushtarak.
Megjithatë, dronët e zbuluar së fundmi nuk janë hera e parë që produktet nga CUAV Technology janë gjetur në Rusi.
Kina ka mohuar vazhdimisht se po furnizon armë vdekjeprurëse “çdo palë në konflikt” dhe ka pretenduar se “kontrollon rreptësisht artikujt me përdorim të dyfishtë”.
