Volkswagen rikthen legjendën me ID.3 GTX FIRE+ICE – një edicion i veçantë elektrik me frymë sportive
Vetëm një vit pas prezantimit si makinë koncept, Volkswagen ka hedhur në treg modelin e ri ID.3 GTX FIRE+ICE, një version elektrik me performancë të lartë dhe dizajn unik.
Ky model është zhvilluar në bashkëpunim me markën e njohur të veshjeve sportive BOGNER FIRE+ICE, duke rikthyer frymën e Golf II Fire and Ice nga vitet ’90.
Do të prodhohen vetëm 1,990 njësi, në nder të vitit kur debutoi modeli origjinal.
ID.3 GTX FIRE+ICE ofrohet me dy versione motorësh, deri në 326 kuaj fuqi, duke arritur shpejtësinë 0-100 km/h në vetëm 5.7 sekonda. Bateria 79 kWh lejon një autonomi deri në 591 km, ndërsa karikimi i shpejtë deri në 185 kW mundëson rikthimin nga 10% në 80% për rreth 26 minuta.
Ngjyra unike Ultra Violet Metallic, disqet 20 inç dhe detajet “zjarr dhe akull” e bëjnë modelin të dallueshëm në rrugë.
Edhe brendësia është dizajnuar me elemente të frymëzuara nga moda – kuq për anën e shoferit dhe blu për pasagjerin.
