Një ngjarje kriminale ka ndodhur sot në orët e paraditës në ndërtesën e Postës dhe Telekomit të Kosovës.
Kushtrim Geci, djali i Sabit Gecit, e ka therur sot paradite në vendin e tij të punës në Postën e Kosovës, kolegun e zyrës.
Viktima, 46 vjeç, ka marrë lëndime në dorë dhe është duke u trajtuar në QKUK.
Rasti është inicuar në Policinë e Kosovës si lëndim i rëndë trupor.
Lajmin për këtë e ka konfirmuar edhe zëdhënësja e Policisë së Kosovës, Flora Ahmeti.
“Sot rreth orës 09 :00, kemi marrë informatën për një lëndim trupor të ndodhur në lagjen Ulpiana në Prishtinë. Bazuar në të dhënat fillestare, në këtë rast nga një mjet i mprehtë dyshohet të jetë lënduar një person i cili është dërguar për trajtim mjekësor, ndërkohë që policia ka nisur një hetim lidhur me rrethanat e këtij rasti i cili është cilësuar si lëndim i rëndë trupor”, ka thënë Ahmeti.
