Rusia ka nisur sulmin e saj më të madh ajror kundër Ukrainës gjatë natës, me një total prej 477 dronë dhe 60 raketa, raportoi Forca Ajrore e Ukrainës.
Nga këto, 249 u rrëzuan dhe 226 u humbën, me shumë mundësi pasi ishin bllokuar elektronikisht, shkruan euronews.
Përveç dronëve, forcat ajrore renditën katër raketa Kh-47M2 Kinzhal, shtatë raketa balistike Iskander-M/KN-23, njëra prej të cilave u rrëzua; 41 raketa lundruese Kh-101/Iskander-K, nga të cilat 33 u rrëzuan dhe një u zhduk nga radari; pesë raketa lundruese Kalibr dhe tre raketa anti-ajrore S-300.
Yuriy Ihnat, kreu i komunikimit për Forcën Ajrore tha se sulmi ishte “sulmi më masiv ajror” në vend, duke marrë parasysh si dronët ashtu edhe llojet e ndryshme të raketave.
Bëhet e ditur se sulmi kishte në shënjestër rajone në të gjithë Ukrainën, përfshirë Ukrainën perëndimore, larg vijës së frontit.
Raportohet se Polonia dhe vendet aleate ngritën në ajër aeroplanë për të siguruar hapësirën ajrore.
