Prishtina përmes një njoftimi në rrjetet sociale, ka bërë me dije se futbollisti i talentuar Dion Gallapeni, nga sezoni i ardhshëm karrierën do ta vazhdojë në Poloni.
Pas një edicioni të shkëlqyer me bardhëekaltërit, falë të cilit e mori edhe ftesën nga kombëtarja e Kosovës, Gallapeni do ta bëjë hapin e madh në karrierë.
Ai tashmë thuhet se ka siguruar transferimin tek ekipi i elitës së futbollit polak, Widzew Lodz.
Njoftimi i plotë i Prishtinës:
FC Prishtina e përshëndet me mirënjohje dhe krenari largimin e 𝐃𝐢𝐨𝐧 𝐆𝐚𝐥𝐥𝐚𝐩𝐞𝐧𝐢𝐭, i cili do ta vazhdojë karrierën e tij në Poloni.
Dioni ishte pjesë e rëndësishme e suksesit tonë, në triumfin në Kupën e Kosovës në edicionin që lamë pas teksa ishte shpallur edhe kampion i Kosovës me U21.
Me profesionalizëm, disiplinë dhe përkushtim, ai tregoi vlera të larta si sportist dhe si njeri për 6 vite sa ishte pjesë e klubit.
Ne jemi krenarë për rritjen dhe zhvillimin e tij brenda skuadrës tonë, dhe i urojmë suksese të mëdha në aventurën e re ndërkombëtare.
Klubi FC Prishtina do të jetë gjithmonë shtëpia e tij./
