Inspektorati Policor i Kosovës ka zhvilluar një operacion monitorues sot në dy lokacionet kryesore ku u mbajtën aktivitetet e komunitetit serb për festën e “Vidovdanit” në Graçanicë dhe Gazimestan.
Ekipet e IPK-së ishin të pranishme në terren që në orët e hershme të mëngjesit, duke vëzhguar nga afër zbatimin e planit operativ policor dhe menaxhimin e rendit publik.
Sipas njoftimit, gjatë monitorimit nuk janë identifikuar parregullsi apo sjellje të papërshtatshme nga ana e zyrtarëve policorë.
Sjellja e përgjithshme e policisë është vlerësuar si profesionale dhe në përputhje me standardet ligjore dhe të drejtave të njeriut.
Lexo po ashtu:
IPK gjithashtu ka vlerësuar pozitivisht strukturën dhe zbatimin efektiv të planit operativ të Policisë së Kosovës, që kontribuoi në ruajtjen e rendit dhe sigurisë gjatë manifestimit.
Ndërsa theksoi se do të vazhdojë të kryejë funksionin e vet në mënyrë të pavarur dhe të paanshme, për të siguruar transparencë, llogaridhënie dhe mbrojtje të të drejtave të qytetarëve.
