Sezoni i Superligës së Kosovës në futboll 2024/25 ka sjellë ndryshime dhe surpriza të shumta. Drita konfirmoi dominimin e saj duke fituar titullin kampion, ndërsa Ballkani, një nga rivalët kryesorë, nuk e gjeti veten si duhet për shkak të largimeve dhe problemeve menaxheriale.
Analistët e futbollit vendor konsiderojnë se ky edicion solli disa befasi sa i përket renditjes në tabelë edhe pse disa prej tyre ishin të pakëndshme.
Lulzim Shala thotë se Drita nga Gjilani u shpall me meritë kampion, por shton se befasi e pakëndshme ishte Prishtina.
Analisti Alban Lumi konsideron se rënia e cilësisë në lojë e klubit Ballkani këtë sezon ishte e pritshme, por shprehet i bindur se skuadra nga Suhareka do të rikthehet dhe të luftojë për ta rikthyer titullin menjëherë sezonin e ardhshëm.
Lumi flet edhe për krizën që e kaploi skuadrën e Suharekës e cila u largua nga Superliga, edhe pse sezonin e kishte nisur me ambicie për t’u kualifikuar në garat evropiane.
Nga ana tjetër, trajneri Robert Gjeraj, edicionin 2024/05 e cilëson më të dobët krahasuar më atë paraprak.
Kujtojmë, Kosovën në edicionin e ri të garave evropiane do ta përfaqësojnë Drita, Ballkani dhe Malisheva, skuadra këto që kanë mbyllur sezonin në tri pozitat e para të renditjes tabelare.
