Më 21 maj 2025, rreth orës 18:10, Policia e Kosovës në bashkëpunim me njësitë e KFOR-it realizoi një aksion të përbashkët në një rrugë ilegale në fshatin Gnjezdan, komuna e Leposaviqit. Gjatë operacionit u ndaluan gjashtë automjete transportuese dhe një veturë me targa të Serbisë, të ngarkuara me mallra të ndryshme si produkte ushqimore, mjete teknike pune dhe mobilie.
Automjetet drejtoheshin nga gjashtë shtetas të Serbisë dhe një shtetas i Republikës së Kosovës. Vlera e përgjithshme e mallrave të sekuestruara vlerësohet mbi 26,000 euro. Rastit i janë përfshirë njësitë kompetente të Drejtorisë Rajonale Kufitare – Veri, nën dyshimin për kontrabandë apo tregti të paligjshme.
Për procedurat e mëtejme ligjore, rasti është dërguar në Doganën e Kosovës dhe Administratën Tatimore të Kosovës.
