Një aksident trafiku ka ndodhur sot rreth orës 16:20 në rrugën nacionale Mitrovicë – Prishtinë, më saktësisht në fshatin Dobërllukë të Vushtrrisë.
Zëdhënësi i Policisë, Avni Zahiti, i tha Expressit se nga hetimet fillestare bëhet e ditur se në aksident janë përfshirë një veturë dhe një kamion.
Ai tha se në këtë aksident janë lënduar tre persona, të cilët më pas janë dërguar për trajtim mjekësor.
