Komandanti i misionit KFOR-it, gjeneralmajor Enrico Barduani, priti në takim ambasadorin e Italisë në Kosovë, Maurizio Antonini.
Takimi zuri vend në shtabin e KFOR-it, në Kampin “Film City” në Prishtinë.
Në njoftim zyrtar, KFOR-i bëri të ditur se Barudani dhe Antonini diskutuan pikëpamjet rreth situatës së sigurisë në të gjithë Kosovën dhe stabilitetit rajonal, si dhe përpjekjet e KFOR-it në mbështetje të dialogut të lehtësuar nga BE-ja midis Prishtinës dhe Beogradit, të cilin Komandanti i KFOR-it e nxiti ta vazhdojë me një frymë të ripërtërirë dhe të vendosur.
“Gjenerali Barduani gjithashtu ndau me ambasadorin Antonini krenarinë e tij për kontributet e gjata të ITA-s në KFOR. Që nga viti 1999, kontingjenti më i madh i Italisë në KFOR ka qenë një simbol kyç i angazhimit të Italisë ndaj sigurisë dhe stabilitetit ndërkombëtar në Kosovë” thuhet në njoftim zyrtar.
KFOR-i vazhdon të zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt për të gjithë njerëzit dhe komunitetet që jetojnë në Kosovë dhe lirinë e lëvizjes, në çdo kohë dhe në mënyrë të paanshme.
